जिउ ठिक्कको भए त बिरामी पर्दा अस्पतालसम्म पूराउन गाह्रो छैन । तर गाडीले नै नधान्ने जिउ भयो भने कसरी अस्पताल पूराउने ? साउदी अरेबियाका एक व्यक्तिलाई यस्तो भएको छ । खालिद मोहसिन शायरी नामका व्यक्ति बिरामी पर्दा शहरभरि हल्ली खल्ली भयो । उनलाई अस्पताल भर्ना गराउने खबर टेलिभिजनले प्रमुखताका साथ प्रशारण गर्न थाल्यो । फायर बि्रगेड देखि लिएर एयरपोर्ट प्रशासन सम्म सतर्क हालतमा रहे । आखिर किन नहोस् । खालिदको वजन यति धेरै छ की उनलाई अस्पताल लग्नका लागि उठाएर गाडिमा हाल्न कुनै स्ट्रेचरको काम छैन । क्रेन नै बोलाएर उनलाई उठाउनु पर्यो । विश्वका सबैभन्दा मोटो व्यक्तिमध्येका एक खादिल विरामी परेपछि जिन्जानस्थित उनको घरका परिवार चिन्तामा परे । चिन्ता उनको उपचारको भन्दा पनि उनलाई कसरी अस्पताल पूराउने भन्ने थियो । अझ जिन्जानमा उनको उपचार गर्ने कुनै अस्पताल थिएन र उनलाई रियाद पूराउनु पर्ने थियो । केही वर्षयता हिँडडुल गर्न नसक्ने भै घरमै बसिरहेका उनलाई कसले उठाउन सक्थ्यो र ? उनको वजन नै ६ सय किलो थियो । आखिर अजिंगरको आहारा दैवले पूराउँछ भनेझैँ स्थानीय सरकारको विशेष निर्देशन बमोजिम फायर बि्रगेडका कर्मचारी क्रेन लिएर खालिदको घर पुगे । अनि उनी बसेको बेडलाई उठाएर बेडसँगै ट्रकमा हालियो । उक्त ट्रक बिमानस्थलमा लगियो । त्यहाँ एक विशेष विमान उनको उडान भर्न तयारी हालतमा राखिएको थियो । त्यसपछि खालिदलाई बेडसितै बिमानभित्र हालियो । अनि उनलाई रियादस्थित अस्पतालमा पूराइयो । रोचक कुरा त के भने उनको वजन धान्ने खालका बेड साउदी अरबमा नभएपछि अमेरिकाबाटै उनका लागि विशेष बेड बनाएर ल्याइएको थियो । हेरौँ उनलाई कसरी क्रेनमा हालियो