राष्ट्रपति ओबामाका 'छोरा' पक्राउ ...

भिडियो हेर्न माथिको बक्समा क्लिक गर्नुहोस

  अमेरिकी राष्ट्रपति बाराक ओबामालाई निकै उदार मन भएका व्यक्तिको रूपमा हेरिन्छ । उनी अरूलाई पैसा दिन समेत पछी पर्दैनन् भन्ने पनि गरिन्छ । अप्ट्यारोमा परेकालाई सहयोग गर्न रूचाउने ओबामाको नाम लिएर एक व्यक्तिले उनको बैक एकाउन्टबाट पैसा समेत झिक्ने प्रयास गरेका छन् । एक व्यक्तिले आफूलाई ओबामा परिवारले धर्मपुत्र बनाएको भन्दै एक बैकमा गएर ओबामा पत्नी मिसेल ओबामाको बैक एकाउण्टबाट पैसा दिन बैकका कर्मचारीहरूसँग भनेपछी बैकका कर्मचारी समेत एकछिन अलमल्ल परेका थिए । चेज बैकमा पुगेका २९ वर्षीय जोन्नी फ्लेचर गोडनले मिसेल ओबामाको बैक एकाउन्टबाट आफूलाई पैसा दिन आग्रह गरेका थिए । यसपछी बैक कर्मचारीले जोन्नीलाई उक्त बैकमा मिसेल ओबामाको एकाउन्ट नभएको बताएका थिए । तर, जोन्नी त्यहाँ धेरै बेर बसेपछी बैकका कर्मचारीहरुले प्रहरीलाइ खबर गरेका थिए , प्रहरीले जोन्नीलाई बैक परिसरबाटै पक्राउ गरी लगेको छ र अनुसन्धान सुरू गरेको छ ।