पोष्टर सार्वजनिक गरे लगतै नेपाली चलचित्र ‘उर्वशी’ विवादमा परेको छ । चलचित्रको पोष्टर एक हलिउड सिनेमाको पोष्टरबाट चोरिएको छ ।हलिउड चलचित्र ‘स्निच’का नायकको शरीरमा किशोर खतिवडाको टाउको जोडिएको छ । हलिउड नायक तथा रेसलर वाने डागलेस जोनसनको शरीरमा खतिवडाको टाउको जोडेर चलाखी गरिएको छ ।

 

४ भदौ, काठमाडौं । निजी क्षेत्रको वायुसेवा यति एयरलाइन्सले धनकुटाका १०६ वर्षीय बोटे राईको जहाज चढ्ने धोको पुरा गरिदिएको छ । धनकुटाका स्थायी बासिन्दा राईले आइतबार मर्नुभन्दा अगाडी चरा झैं आकाशमा उड्ने रहर भएको बताउनुभएको थियो । उहाँलाई भेट्न गएका सामाजिक संस्थाका प्रतिनिधीहरुलाई आफ्नो स्वास्थ्य जाँचभन्दा जहाज चढ्ने धोको पुरा गरिदिन आग्रह गर्नुभएको थियो । उहाँ अहिले रुघाखोकी र ज्वरोको विरामी हुनुहन्छ ।
 
वृद्ध राईको मर्नु अगाडी चरो जस्तै जहाजमा उढ्ने रहर भएको कुरा संचारमाध्यमबाट थाहा पाएपछि यति एयरलाइन्सले उहाँको चाहाना पुरा गरिदिएको हो । उहाँ विराटनगरबाट यति एयरमा चढेर आज दिउँसो ४ बजे राजधानी उत्रिनुभएको छ । विरामी भएका कारण उहाँको साथमा भतीज मान बहादुर राई पनि आउनुभएको छ । उहाँ आज गौशालामा रहेको इन्द्रेनी होटलमा बास बस्ने यति एयरलाइन्सले जानकारी दिएको छ । उहाँलाई यति एयरलाइन्सका प्रतिनिधिहरुले पशुपतीनाथको समेत दर्शन गराउने बताइएको छ । राई भोली यति एयरबाटै विराटनगर फर्किनु हुनेछ । गरिबीले चाहेर पनि जहाज चढ्न नपाएका उनले जहाज चढेर राजधानी भित्रँदा मनमा सन्तोष र खुशी लागेको बताउनुभयो । उहाँले आफ्नो चाहाना पुरा गरिदिने यति एयरलाइन्सलाई धन्यवाद दिनुभयो । तीन पत्नीका पति राईले आकासमा उडेका जहाज देख्दा आफु पनि जहाजमा उड्न पाए हुन्थ्यो भने कल्पना गरिरहनुहुन्थ्यो । अहिले उहाँ ७५ वर्षीय भान्जा र ७४ वर्षीय भान्जीबुहारीको साहारामा हुनुहुन्छ् ।
 

उसो त नेपाली सिने जगतमा आफ्नो प्रतिद्धन्दी कलाकारहरुको तारिफ भन्दा पनि आलोचना गर्नेहरु धेरै छन् । विशेषगरी अर्काको राम्रो भन्न नसक्ने कलाकारहरुको संख्या पनि यहाँ कम छैन । तर शुक्रबारबाट प्रदर्शनमा आएको चलचित्र ‘महशुश’की नायिका केकी अधिकारीले भने आफ्नै सहकर्मीहरुबाट राम्रो तारिफ पाइरहेकी छिन् । केकीले ‘महशुश’मा गरेको अभिनयले धेरैको मन पनि जितेको छ । ‘महशुश’मा नायिका अधिकारी गौरीको भूमिकामा देखिएकी छिन् । केकीको प्रशंसा गर्दै अर्की नायिका पि्रयंका कार्कीले फेसबुकमा आफ्नो अनुभव साटेकी छिन् । उनले केकीको अभिनयले आफूलाई गर्व लागेको भन्दै नेपाली सिने नगरीमा वास्तविक अभिनय गर्ने नायिका रहेकोमा खुशी लागेको बताएकी छिन् । केकीको अभिनयलाई लिएर यस अघि पनि केही कलाकारहरुले तारिफ भरिएको शब्द कोरेका थिए । आर्यन सिग्देल, बेनिशा हमालको समेत अभिनय रहेको यो चलचित्रबाट नायिका केकी अधिकारीले विशेष प्रशंसा पाइरहेकी छिन् । कल्याण घिमिरेको निर्माणमा नबल नेपालले निर्देशन गरेको यो चलचित्रले व्यापार भने सामान्य गरेको छ । फेसबुकमा अनावश्य कुराहरु लेखेर समय खर्च गर्ने नेपाली सिनेमाका कलाकारहरुले सिने नगरी र अन्य कलाकारको बिषयमा सकारात्मक कुरा लेखेको खण्डमा पक्कै पनि सबैलाई फाइदा नै मिल्ने छ ।

नयाँ दिल्ली, भाद्र २, बलिउड अभिनेत्री मल्लिका शेरावत निकैनै दुखद अबस्थामा राजस्थान छोडन बाध्य भएकी छन । समाचार अनुसार मल्लिका आफ्नो आगामी फिल्म `भंवरी देवी` को शूटिङका लागी जयपुरमा थिइन । तर उनलाइ अचानक जयपुर छोडनका लागी बध्य हुनु परेको भारतीय मिडियाहरूले जनाएका छन । मल्लिका जयपुरमा जुन होटलमा बसेकी थिइन । त्यहाँ केही मानिसहरू रक्सी पिएर उनको कोठामा आए । त्यसपछि उनका साथमा गलत व्यावहार गर्नथाले । त्यसपछि उनी त्यहाँको बातावरण विग्रिएपछि होटल छोडेर भागेकी छन । एक दैनिक पत्रिकाले जनाए अनुसार, केही नेता र प्रमुख व्यवसायीहरू नशामा मात्तिएर उनको होटलको कोठामा पसेर उपद्रव मच्याएका थिए । यद्दपी शेरावत होटल स्टाफ र स्पट ब्वाइ लाइ जानकारी दिएर ती मानिसहरूको बिचबाट एक्कसी निस्कन सफल भएकी थिइ । तर यस घटनाले शेरावतलाइ यति धेरै आहत पुर्यायो कि उनी शुटिङ छोडेर भाग्नका लागी बाध्य हुनु पर्यो । दैनिकले घटनास्थलमा रहेका सूत्रहरूलाइ उद्धृत गर्दै बताए अनुसार सबैलाइ थाहा थियो कि मल्लिका शेरावत फिल्म `भंवरी देवी` को शूटिङका लागी शहरमा छिन । यसैले जुन होटलमा मल्लिका बसेकी थिइन । त्यसमा कडा सुरक्षा रहेको थियो । त्यहाँ केही युवाहरू उक्त सुरक्षा घेरा तोडेर होटलमा पस्न सफल भए । त्यसपछि उनको कोठाको ढोका ठोक्न थाले । उनीहरूले अश्लील गीतहरू गाउँदै अश्लील कमेन्ट समेत गरेका थिए । उनीहरूले बबाल मच्याउन थालेपछि शेरवत होटल छोडेर भागेकी थिइन ।

विजय ‘आवाज’ सन् २००९ मा कलाकार विल्सन विक्रम राई अर्थात ‘तक्मे बुढा’ सिने नगरीमा संघर्ष गर्दा गर्दै दिक्क भएर मलेसिया हानिएका थिए । मलेसियामा पुगेर उनले एक रेष्टुरेन्टमा वेटरको काम गरेका थिए । तर उक्त रेष्टुरेन्टमा काम गर्ने प्रेम दाज्यूको प्रेरणाले उनी नेपाल फर्किए र आज चर्चित कलाकार बनेका छन् ।
 
तर उनै विल्सन ४ बर्ष पछि आफूले काम गरेको डाओराई कोरियन रेष्टुरेन्टमा पुगे । ४ बर्ष पछि उनी त्यहाँ पुग्दा उनको परिचय फेरिएको थियो । उनी चर्चित कलाकार ‘तक्मे बुढा’को नामले परिचित थिए । आफूले काम गरेको रेष्टुरेन्टमा पुगेका उनलाई त्यहाँका नेपालीहरुले हृदय देखि नै स्वागत गरे । आफूसँग काम गर्ने प्राय सबै साथीहरुले काम छोडिसकेका थिए । मलेसियामा आयोजना भएको एभरेष्ट कन्र्सटमा भाग लिने क्रममा त्यहाँ पुगेका ‘तक्मे बुढा’ आफूले काम गरेको रेष्टुरेन्टमा गएका हुन् ।
आफ्नो पुरानो दिन सम्झैदै जाँदा विल्सनको आखाबाट आँशु झर्‍यो । उनले ४ बर्ष अघि कोरियन रेष्टुरेन्टमा काम गर्दा आफूलाई धेरै गाह्रो भएको बताउँदै प्रेरणा दिने सबैलाई धन्यबाद दिएका थिए ।
उनले आफूसँगै गएका अन्य कलाकारहरुलाई वेटर बनेर खानेकुरा वितरण पनि गरे । ‘म ४ बर्ष अघि यही पेशा गर्थे, आज फेरी त्यही दिनको यादा आयो’, रेष्टुरेन्टका कर्मचारीले लगाउने पहिरन लगाउँदै तक्मे बुढाले अनलाइनखबरलाई भने । कोरियन भाषा नजानेर पनि धेरै पटक गाह्रो भएको उनको तर्क थियो ।

नेपाली कांग्रेसका बरिष्ठ नेता शेरबहादुर देउवाले चलचित्र हेर्न नभ्याए पनि देउवा पत्नी आरजु राणा भने सिनेमा हलमै गएर चलचित्र हेर्न रुचाउनुहुन्छ । नेपाली हिरोहरु खासै मन नपर्ने आरजुलाई टाइमपासका लागि सलमान खान मन पर्दोरहेछ ।

 ‘एक्टिङको हिसाबले अमिर खान एकदम मनपर्छ, राणाले आफ्नो फिल्मी रुचीबारे अनलाइनखबरसँग भन्नुभयो, ‘टाइम पासका लागि हेर्नलाई सलमान खान रमाइलो लाग्छ ।’

 आरजुको रुची उहाँकै भनाइमा-

 म फिल्म एकदम हेर्छु । म त इण्डियामा १० वर्ष बसेर पढेको, त्यसैले एकदम सिनेमा हेर्छु । म हिन्दी सिनेमा नै बढी हेर्छु । नेपाली सिनेमा कुनै एकदम राम्रो छ भनेर कहिले गएर हेर्छु । घरमा भन्द पनि हलमै गएर हेर्छु । हलमा फिल्म हेर्दा छुट्टै मज्जा हुन्छ । म, मेरो मुमा र साथीहरुसँग गएर हेरिन्छ । अस्ति एउटा सिनेमा हेर्न सिटी सेन्टरमा गएको, अर्कै हलमा पसिएछ । आमा पनि बूढी, छोरी त बूढी भैहाल्यो, चश्मा झिकेर टिकटमा हेर्नुपर्ने, नहेरी गार्डलाई भनेर ३ नम्बरमा गएर बसेको त अर्कै सिनेमा आउँछ बा Û

 उहाँ -शेरबहादुर देउवा) ले सिनेमा हेर्न भ्याउनुहुन्न । हलमा पनि जान मिलेन । उहाँ घरैमा आध्यात्मिक कार्यक्रमहरु, न्युजहरु धेरै हेर्नुहुन्छ । उहाँले गीत त सुन्दै सुन्नुहुन्न । उहाँ प्रचण्डजस्तो नाच्नुहुन्न । पहिले नै धेरै नाचिसक्नुभयो । मसँग बिहा गर्नुभन्दा अघि धेरै नाचिसकेको भएर अहिले त्यति धेरै रुची छैन । हुन त अहिले पनि केटीले नाचौं भने त नाचिहाल्नुहुन्छ नि । चान्चनलाई के छ र । तर, कोही छोरी त कोही नातिनी उमेरका छन् ।

 मलाई लुट भन्ने सिनेमा एकदमै राम्रो लाग्यो । नेपाली हिरोइनमा सबभन्दा राम्री त मलाई करिश्मा मानन्धर लाग्छ । सी इज भेरी गुड लुकिङ । रियल लाइफमा पनि कमै मान्छे त्यति राम्री होलान् । रियल राइफमा एकदमै ब्युटिफूल देखेको मैले करिश्मा मानन्धरलाई हो । एकदमै राम्री छन् उनी ।

 हिरोमा चाहिँ….. खै । नेपाली सिनेमाका हिरोहरु त्यति राम्रो कोही पनि लाग्दैनन् । राजेश हमाललाई म पहिलेदेखि नै चिन्छु । हिरोभन्दा पनि सोसियल वर्कर । राजेश हमालले खेलेको एउटै फिल्म हेरेकी छु । प्रेमपिण्ड, त्यसमा चाहिँ उहाँले राम्रो एक्टिङ गर्नुभएको थियो ।

 तर, मलाई लुटको हिरोहरु एकदमै राम्रो लाग्यो । योङ योङ मान्छे । हाकु काले अनि त्यो कर्मा त मेरो साथीको छोरा हो । सानोमा देखेको, अहिले त हिरो भएछ । उनीहरुको एक्टिङ एकदम नेचुरल क्या ! त्यो सिनेमा मलाई एकदमै राम्रो लाग्यो । त्यो सिनेमा बाएचान्स हेर्न गएको हो, तर यस्तो राम्रो रै’छ । त्यो त हलिउडमै खिचेछन् जस्तै लाग्यो । रियल क्या ! मान्छेले एक्टिङ गरेजस्तै देखिन्न । त्यसका डाइरेक्टरले अर्को पनि सिनेमा बनाएका छन् रे, हेर्न पाइएन । राजबल्लभ भन्ने पनि हेरेकी छु, त्यो पनि ठिकै छ ।

 इण्डियाको हिरोमा एक्टिङको हिसाबले अमिर खान एकदम मनपर्छ । हि इज भेरी ट्यालेन्ट । टाइम पासको लागि हेर्नलाई सलमान खान रमाइलो लाग्छ । उसको अर्को क्यारेक्टर नै छैन, ऊ सलमान नै भएर सिनेमामा देखिन्छ । मलाई ऋतिक रोशन पनि राम्रो लाग्छ । इण्डियाका हिरोइनहरुमा एकदमै राम्रीचाँहि मलाई पि्रयंका चोपडा लाग्छ । प्रियंका चोपडाको फिल्म आयो भने म मिस गर्दिँन । आफैं भएर एक्टिङ गर्नेचाहिँ क्याटि्रना कैफ । उसले हरेक सिनेमामा आफैं भएर एक्टिङ गरेको हुन्छ ।

महोत्तरी, १ भदौ । महोत्तरी जिल्लाको भारतीय सीमासँग जोडिएको मनरा गाविसमा नेपाली रुपैयाँ नचल्दा सर्वसाधारणलाई हैरानी भएको छ । आफ्नै देशमा आफ्नै रुपैयाँ नचल्दा स्थानीय बासिन्दाले दैनिक उपभोग्य वस्तुसहित अन्य वस्तुको खरिद बिक्री गर्नुपर्दा समस्या उत्पन्न हुने गरेको स्थानीय शिक्षक रामदिनेश चौधरीले बताउनुभयो । भारतको सीतामढी जिल्लाअन्तर्गत सिरसिया सहरसँग जोडिएको नेपालको मनरा गाविसका हाट, बजार तथा पसलमा नेपाली रुपैयाँको ठाउँमा भारतीय रुपैयाँमात्र चल्ने गरेको स्थानीय लेखापढी व्यवसायी रवीन्द्र भगतले बताउनुभयो । उहाँले दैनिक जीवनका हरेक आर्थिक कारोबार मनरावासीले भारतीय रुपैयाँमा लेनदेन गर्नुपर्दछ भने यहाँ भारतीय रुपैयाँ नहुनेहरुले नेपाली रुपैयाँ भारतीय रुपैयाँको दाँजोमा आधी मूल्यमा चलाउन बाध्य हुन्छन् । मनराका नेपालमा जागिर गर्नेहरुले पनि आफूले तलब पाएका नेपाली रुपैयाँलाई भारतीय रुपैयाँमा साटेर गाउँमा कारोबार गर्नुपर्दछ भने सो ठाउँका किसान, व्यापारी, शिक्षक, चिकित्सकदेखि सबै व्यक्तिले भारतीय रुपैयाँमै कारोबार गर्नुपर्ने बाध्यता रहेको स्थानीय युवा अशोक मण्डलले बताउनुभयो । स्थानीयस्तरमा नेपाली रुपैयाँ नचल्दा मनरावासीले भारतीय रुपैयाँको अभावमा समय समयमा आधी दाममा नेपाली रुपैयाँ चलाउनुपर्दछ भने कुनैकुनै बेला त नेपाली रुपैयाँ नसाटिँदा आवश्यक कामकाज बिग्रिने पनि गरेको व्यापारी राधेश्याम भगतले बताउनुभयो । महोत्तरीको निर्वाचन क्षेत्र नं ४ को पाँच हजारभन्दा बढी जनसङ्ख्या बसोवास गर्ने मनरा बजारमा दैनिक रु दुई लाखसम्मको कारोबार हुने गर्दछ भने तीमध्ये ९० प्रतिशत रुपैयाँ भारतीय हुने गरेको स्थानीय व्यापारी बताउँछन् । सीमामा बसोवास र भारतीय रुपैयाँमात्रै चल्ने भएकाले मनरावासी प्रायः भारतकै सहर बजारमा गएर आफ्ना दैनिक जीवनका सरसामान ल्याउने गर्दछन् भने उच्च शिक्षा र राम्रो स्वास्थ्य उपचारका लागि पनि भारतमै जाने गरेको स्थानीय बताउँछन् । भिडियो हेर्नुहोस्