युवापुस्तालाई आकर्षण गर्न ‘होस्टेल’ यूनिटले छोडेन चुरोट तान्ने कुरा(भिडियो)

यतिबेला सिंगो सिने नगरीको आखा भदौ १४ गतेबाट प्रदर्शनमा आउन लागेको चलचित्र ‘होस्टेल’ माथी छ । सुनिल रावलको निर्माणमा हेमराज बीसीले निर्देशन गरेको यो चलचित्र हेर्न युवापुस्ता हलमा ओइरहने अड्कल धेरैको छ । यसैले पनि होला यसको निर्माणपक्षले हलसम्म दर्शक तान्नको लागि नयाँ नयाँ उपाय र प्रचारको शैली अपनाएको छ । यसैक्रममा सामाजिक संजाल यूट्यूबमा चर्चा कमाएको ‘आधी रातमा उठेको चुरोट तान्न’लाई बोलको गीतलाई पनि सिनेमामा समावेश गरिएको छ । अनमोल केसी, सलोन बस्नेत, गौरब पहाडी, प्रकृती श्रेष्ठ, रीस्ता बस्नेत लगायतका कलाकारले अभिनय गरेको यो चलचित्रले खस्कदो सिने नगरीको अवस्थालाई उकास्ने आशा गरिएको छ । चिन्टु रिमालको शब्द तथा स्वर समावेश गरिएको यो गीतले अहिले सर्वाधिक चर्चा पनि पाइरहेको छ ।